Borgarstjórinn í rússnesku borginni Stavropol lést í sprengingu í síðustu viku. Hann hét Zaur Gurtsiev og var 29 ára. Hann var áður einn af lykilmönnum Rússa í fremstu víglínu í stríðinu í Úkraínu.

The Kyiv Independent skýrir frá þessu og segir að Vladimir Vladimirov, héraðsstjóri í Stavropol, hafi staðfest þetta.

Miðillinn segir að Gurtsiev hafi stýrt lofthernaði Rússa í umsátrinu um Mariupol 2022. CNN segir hann hafa verið „áhrifamikinn“ uppgjafahermann.

Rússnesk yfirvöld segja að tveir látnir menn hafi fundist á vettvangi. Upptökur úr eftirlitsmyndavél sýna að maður virtist bíða eftir Gutsiev utan við hús í borginni. Þegar hann kom út gekk maðurinn í átt að honum og svo varð sprenging. Er því talið að um sjálfsvígssprengjumann hafi verið að ræða.