Rússneski herforinginn Yaroslav Moskalik fórst þegar bifreið var sprengd í loft upp í Balashikha, rétt fyrir utan Mosvku, í morgun.

Í frétt úkraínska miðilsins Kyivpost kemur fram að sprengjan hafi sprungið klukkan 10:40 að staðartíma, skammt frá heimili herforingjans.

Moskalik var aðstoðarframkvæmdastjóri aðalskrifstofu rússneska hersins.

Moskalik er sagður hafa verið á gangi fram hjá bifreið af gerðinni Volkswagen Golf þegar sprengja sprakk í bílnum. Af ummerkjum á vettvangi að dæma var sprengjan fyllt með litlum málmbútum sem gerði sprengjuna hættulegri en ella. Gluggar í nærliggjandi byggingum brotnuðu.