Kínverski veitingastaðurinn Jin Gu í Madríd á Spáni beitti heldur ógeðfelldum og óheiðarlegum aðferðum þegar kom að því að selja gestum veitingar. Boðið var upp á „djúpsteikta önd“ á matseðlinum en „djúpsteikta öndin“ var alls ekki önd heldur dúfur sem voru fangaðar í borginni.

Þetta kom í ljós þegar lögreglan gerði húsleit á veitingastaðnum nýlega. The Sun skýrir frá þessu og segir að á myndbandsupptökum sjáist pokar fullir af dauðum dúfum við hliðina á skálum, sem virðast fullar af djúpsteiktum dúfum sem voru tilbúnar til að vera bornar á borð fyrir viðskiptavini.

Lögreglan rannaska kjötið og fékkst þá staðfest að „endurnar“ voru dúfur af götum borgarinnar.

Átta frystar voru á veitingastaðnum. Í þeim fundust ómerktir og ódagsettir pakkar með kjöti og fiski.

Kakkalakkar voru á sveimi í eldhúsin og rottugildrur voru á gólfunum.

Kjöt hékk á snögum í fatahengi og engir hitamælar voru á geymslusvæði matvæla. Eldhúsáhöldin voru mörg hver ryðguð og skítug.