Eftir tveggja klukkustunda flug neyddust flugmenn flugs UA198 frá Los Angeles til Shanghai til að snúa við og lenda aftur San Francisco. Ástæðan var að flugmaður hafði gleymt vegabréfinu sínu.

257 voru um borð í vélinni sem var nýlögð af stað í tæplega 14 klukkustunda flug til Kína þegar flugmaðurinn uppgötvaði að hann hafði gleymt vegabréfinu sínu.

The Independent segir að vélin hafi verið komin út yfir Kyrrahafið þegar flugmaðurinn áttaði sig á mistökum sínum og því var ekki annað að gera en taka U-beygju og lenda í San Francisco.

Einn farþeganna sagðist ekki hafa trúað eigin augum þegar hann sá að áfangastaðnum var breytt úr Shanghai í San Francisco á upplýsingaskjá vélarinnar.

Þetta varð til þess að vélin lenti ekki í Shanghai fyrr en um hálfum sólarhring eftir áætlaðan komutíma.