Þú hefur kannski lent í því að eftir gott kvöld og góða nótt með aðeins of mikilli áfengisneyslu, þá er næsti dagur eins og stríð við þyngdaraflið. Eftir góðan blund og góðan morgunmat virðist líkaminn vera kominn í gang en heilinn lætur bíða eftir sér, á greinilega erfitt með að komast í gang.

Vísindamenn hafa rannsakað áhrif áfengis á heilann og niðurstöðurnar koma kannski á óvart hvað varðar það hversu langan tíma það tekur heilann að jafna sig eftir fyllerí.

Rannsókn vísindamanna við University of Barth leiddi í ljós að þrátt fyrir að áfengi mælist ekki lengur í blóðinu daginn eftir fyllerí, þá er heilastarfsemin enn ekki komin í fullan gang.

Áfengi veldur því að vökvinn í líkamanum minnkar en þetta getur raskað starfsemi heilans því líkaminn reynir að bæta líkamanum vökvatapið upp með því að sækja vökva til ýmissa líffæra, þar á meðal heilans.

Þetta getur dregið úr einbeitingu, hægt á viðbrögðum og haft neikvæð áhrif á minnið.

Ef þú vilt hjálpa heilanum við að jafna sig hratt eftir næturævintýrið, þá er nauðsynlegt að drekka mikið vatn, borða næringarríkan mat og hvílast vel. LadBible skýrir frá þessu.