Tveggja ára stúlka kramdist til bana þegar foreldrar hennar settu 25 kg ferðatösku ofan á rúmið hennar í því skyni að halda henni í því.

Kodi Glenn Simon og Kateri Ann Simon voru handtekin í Ohio í síðustu viku vegna málsins en dóttir þeirra, Maeve Simon, lést í nóvember 2022.

Mirror segir að lögreglan segir að Maeve hafi látist í lok nóvember 2022 þar sem hún var í ferðarúmi. Ferðataska, full af bókum, var sett ofan á það til að koma í veg fyrir að hún kæmist út úr rúminu.

Hún vaknaði að sögn oft á nóttunni og átti til að klifra út úr vöggunni, drasla út í herberginu sínu og vekja systkin sín.

Af þeim sökum settu foreldrar hennar ferðatösku ofan á rúmið. Hún datt ofan í það og kramdi Maeve til bana.

Foreldrarnir eiga yfir höfði sér ákæru fyrir manndráp af gáleysi.