Dag einn rennur upp fyrir þér að þú hefur meiri ánægju af nýju ryksugunni en nýjum hátölurum. Að þú vegur og metur hvert verðið er miðað við endingartíma þegar þú kaupir þér skó. Velkominn í félag fullorðinna!

Eftirfarin merki eru öruggt merki um að þú sért orðinn fullorðinn, meira að segja þótt þú neitir að viðurkenna það.

Þú gleðst þegar einhver aflýsir – Það er ekki lengur „oh“ sem heyrist þegar einhver aflýsir hittingi eða einhverju álíka. Nú heyrist „yes“ og þú hugsar með þér að nú getir þú þvegið þvott og náð 8 tíma svefni. Þú vilt ekki fara út, þú vilt vera heima og horfa á matreiðsluþátt í sjónvarpinu.

Þú átt körfu undir óhreinu fötin þín – Ekki stóll, Ekki gólfið. Það er karfa, sem er í stíl við baðherbergið, sem þú notar undir óhreinu fötin þín. Ákvörðunin um þetta var tekin að vel íhuguðu máli og þú gúgglaðir kannski „besta karfan undir óhreinan þvott“.

Þú átt þér uppáhalds pott – Ekki nóg með það, þú gætir hans eins og sjáaldurs augna þinna og væri næstum til í að fórna lífinu fyrir hann. Það eru engar rispur á honum, það má ekki nota málmáhöld í honum og hann er bara þveginn í höndum. Hann er betri en fyrrum unnustu þínar.

Þér finnst hávaði pirrandi – Einu sinni var hár bassi merki um partí. Nú er það bara „hver í fjandanum spilar tónlist hátt klukkan 21.00 á þriðjudegi“.

Þú hefur skoðun á þrifaefnum – Skyndilega veistu hvað efni virkar vel til að þvo baðherbergisvaskinn og hvað er gagnslaust. Þú átt þér uppáhaldsefni.

Þú borgar reikninga fyrir eindaga og gleðst yfir því – Þetta veitir þér tilfinninguna af „ég hef stjórn á fjármálunum í þessum mánuði“. Þetta er fullorðinsvíman sem þú finnur fyrir.