fbpx
Fimmtudagur 03.júlí 2025
Pressan

Mislingatilfelli í Evrópu hafa ekki verið fleiri síðan 1997

Pressan
Sunnudaginn 23. mars 2025 13:30

Bólusetning veitir góða vernd gegn þessum lífshættulega sjúkdómi.

Ekki missa af Helstu tíðindum dagsins í pósthólfið þitt

Lesa nánar

Fjöldi mislingatilfella í Evrópu og Mið-Asíu var tvöfalt meiri á síðasta ári en 2023 að sögn Alþjóðaheilbrigðismálastofnunarinnar WHO. Barnahjálp Sameinuðu þjóðanna, UNICEF, segir að þessi alvarlega staða sé þörf áminning og ætti að vekja fólk til umhugsunar.

127.350 mislingatilfelli voru skráð á þessu svæði á síðasta ári og hafa ekki verið fleiri síðan 1997. Á heimsvísu voru 359.521 tilfelli skráð. Svo um þriðjungur tilfella á heimsvísu var því í Evrópu og Mið-Asíu.

Rúmlega 40% evrópsku tilfellanna voru hjá börnum yngri en 5 ára.

Hálf milljón barna í Evrópu og Mið-Asíu fékk ekki fyrri skammtinn af MCV1 bóluefninu 2023 en talið er að tveir skammtar af því veiti 97% vernd gegn smiti.

Mislingar eru einn alvarlegasti smitsjúkdómurinn sem herjar á fólk. Í alvarlegum tilfellum getur hann valdið lungnabólgu, heilabólgu, vökvaskorti og blindu og í versta falli verða mislingar fólki að bana.

Algeng einkenni mislinga eru hiti, hósti, nefrennsli og útbrot.

Rúmlega helmingur hinna smituðu í Evrópu þurfti meðferð á sjúkrahúsi og 38 létust.

Flest tilfelli greindust í Rúmeníu eða rúmlega 28.000.

Innan við 80% barna í Bosníu og Hersegóvínu, Svartfjallaland, Norður-Makedóníu og Rúmeníu voru bólusett gegn mislingum 2023. Bólusetningarhlutfallið þarf að vera 95% til að hjarðónæmi náist.

Í Svartfjallalandi hefur innan við helmingur barna verið bólusettur gegn mislingum síðustu fimm árin hið minnsta. Í Bosníu og Hersegóvínu er hlutfallið undir 70%.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Mörg þúsund Norðmenn fengu skilaboð fyrir mistök um milljónavinning í Lottó

Mörg þúsund Norðmenn fengu skilaboð fyrir mistök um milljónavinning í Lottó
Pressan
Í gær

Flugfreyja segir að flugáhafnir stundi kynlíf í flugstjórnarklefanum – „Vélin er á sjálfstýringu“

Flugfreyja segir að flugáhafnir stundi kynlíf í flugstjórnarklefanum – „Vélin er á sjálfstýringu“
Pressan
Fyrir 3 dögum

Borðaðu spergilkál og hreinsaðu heilann

Borðaðu spergilkál og hreinsaðu heilann
Pressan
Fyrir 3 dögum

Þess vegna á aldrei að grilla kjöt um leið og það er tekið úr ísskápnum

Þess vegna á aldrei að grilla kjöt um leið og það er tekið úr ísskápnum
Pressan
Fyrir 4 dögum

92 ára gamall maður ákærður fyrir glæp sem var framinn fyrir 58 árum

92 ára gamall maður ákærður fyrir glæp sem var framinn fyrir 58 árum
Pressan
Fyrir 4 dögum

Þóttist vera sádiarabískur prins í 30 ár – Beikon varð honum að falli

Þóttist vera sádiarabískur prins í 30 ár – Beikon varð honum að falli