Hún fór síðan með skjalið að dánarbeði móður sinnar í mars 2021 og setti penna í hönd hennar og stýrði hönd hennar til að láta hana skrifa undir skjalið. Móðir hennar var þá svo illa haldin að hún gat varla blikkað augunum. Hún lést átta dögum síðar.
Metro segir að samkvæmt því sem kom fram á skjalinu hafi Lisa, sem er 55 ára, átt að erfa hús Margaret í Herne Hill, í suðurhluta Lundúna, en bróðir hennar, John, sem er 61 árs, átti ekki að fá neitt.
John var ekki sáttur við þetta og sagði að upptökur sýndu að móðir þeirra hafi verið neydd til að skrifa undir skjalið því Lisa hafi í raun stýrt hönd hennar og þess utan hafi hún verið svo alvarlega veik að hún hafi ekki skilið hvað stóð á skjalinu.
Málið fór fyrir dóm og þar sagði John einnig að Lisa hafi snúist algjörlega gegn honum og neitað honum um aðgang að húsi móður þeirra.
Dómarinn í málinu féllst á að Margaret hafi ekki skilið hvað var að gerast eða hvað stóð á skjalinu en hún hafði greinst með elliglöp 2021. Var erfðaskráin því úrskurðuð ógild.
Systkinin fá því hvort um sig helmingshlut í húsinu og Lisa verður að greiða lögfræðikostnað John upp á sem svarar til um 14 milljóna íslenskra króna.
