En sem betur fer eru til ýmis efni sem geta hjálpað til við að halda frystinum íslausum. Það skemmir ekki fyrir að þú átt eflaust flest af þessum efnum. Focus skýrir frá þessu.
Ástæðan fyrir ísmynduninni er að í hvert skipti sem þú opnar frystinn, þá streymir hlýtt loft inn í hann. Það veldur því að íslag myndast og það þykknar með tímanum og þar með minnkar geymsluplássið.
En það er hægt að halda ísmynduninni niðri með eftirtöldum efnum:
Lyftiduft er þekkt fyrir ýmsa eiginleika og einn þeirra er að halda frystinum íslausum. Það sem þarf að gera er að strá tveimur matarskeiðum af lyftidufti á rakan klút og strjúka síðan frystinn að innan með honum. Með þessu kemur þú í veg fyrir ísmyndun og ekki skemmir fyrir að þetta fjarlægir slæma lykt. Hafðu bara í huga að ekki á að strjúka yfir gúmmílista með lyftidufti því það getur skemmt þá.
Matarolía getur einnig komið að gagni við þetta. Látu nokkra dropa leka á rakan klút og gerðu nákvæmlega það sama og ef þú hefði sett lyftiduft í hann. Olían myndar himnu sem kemur í veg fyrir ísmyndun.
Glýserín er einnig gott til að halda frystinum íslausum. Áður en þú notar þetta töfraefni, þarftu að hreinsa frystinn vel. Síðan er tuska gerð rök með glýseríni og hún síðan notuð til að þurrka frystinn að innan. Glýserín frýs við lægri hita en vatn og því tekur það ís lengri tíma að myndast.
