Rebecca Cheptegei, sem er 33 ára maraþonhlaupari frá Úganda, liggur nú á sjúkrahúsi í Kenía í kjölfar hrottalegrar árásar unnusta hennar á hana.

Sky News segir að ráðist hafi verið á hana á heimili hennar í Trans Nzoia í Kenía. Hún er sögð vera  í lífshættu en hún hlaut brunasár á 75% líkamans.

Cheptegei lenti í 44. sæti í maraþonhlaupi á ólympíuleikunum í París í sumar en hún hljóp á rétt rúmlega tveimur og hálfri klukkustund.

Talsmaður lögreglunnar í Trans Nzoia sagði að unnusti Cheptegei, Dickson Ndiema, hafa keypt bensínbrúsa, hellt úr honum yfir hana og kveikt í henni á sunnudaginn í kjölfar deilna þeirra á milli.

Hann hlaut einnig brunaáverka og liggur einnig á sjúkrahúsi.