Á föstudaginn handtók lögreglan í Redland í Kaliforníu Michael Royce Sparks, 62 ára, en hann er grunaður um að hafa myrt nágrannahjón sín, hina 73 ára Stephanie Menard og hinn 79 ára Daniel. Sky News segir að lögreglan hafi notað ökutæki, sem líkist skriðdreka, til að komast inn á heimili Sparks.

Hjónin hurfu frá heimili sínu í Kaliforníu og hóf lögreglan leit að þeim. Lík þeirra fundust síðan í pokum undir steyptu skýli undir húsi Sparks í Olive Dell Ranch sem er hjólhýsahverfi og nektarnýlenda.

Það var sérþjálfaður leitarhundur sem fann líkin undir húsinu á föstudaginn.

Tilkynnt var um hvarf hjónanna helgina áður en það var vinur þeirra sem tilkynnti um hvarfið. Bíll þeirra fannst á sunnudeginum, ekki langt frá heimili þeirra, og einnig símar þeirra beggja og veskis Stephanie.