Þetta eru niðurstöður nýrra rannsóknar að sögn Sky News. Rannsóknin leiddi í ljós að fólk sem stundaði líkamsrækt reglulega var í 42% minni hættu á að eiga erfitt með að sofa og það voru 22% minni líkur á að það fyndi fyrir einhverjum einkennum svefnleysis. Rannsóknin hefur verið birt í vísindaritinu BMJ Open Journal.
Þeir sem stunda æfingar um langa hríð reyndust vera 55% líklegri til að ná eðlilegum svefni, sex til átta klukkustundum á sólarhring, en þeir sem hreyfðu sig lítið sem ekkert.
Þeir sem stunduðu reglulega líkamsrækt/hreyfingu voru í 29% minni hættu á að sofa undir sex klukkustundum á sólarhring. Einnig voru 52% minni líkur á að þeir svæfu meira en níu klukkustundir á sólarhring.
Rannsóknin byggðist á gögnum um 4.339 manns frá níu Evrópuríkjum. Kynjaskiptingin var nokkuð nærri því að vera 50/50.
Þátttakendurnir voru spurðir út í líkamsræktar og hreyfingarvenjur sínar í upphafi og aftur áratug síðar. Þeir voru einnig spurðir út í einkenni svefnleysis eins og að eiga erfitt með að sofna, að sofa lengi, að vakna of snemma og hversu lengi þeir svæfu venjulega.
Fólk, sem stundaði líkamsrækt að minnsta kosti tvisvar í viku í að minnsta kosti klukkustund samanlagt, var skilgreint sem virkir iðkendur.
