Leggate var búsettur í sama fjölbýlishúsi og Cummings í Glasgow í Skotlandi. Beitti hann drenginn kynferðislegu ofbeldi áður en hann myrti hann. Líkinu kom hann svo fyrir í ruslagámi.
Daily Record í Skotlandi segir frá því að Cummings hafi verið dæmdur í lífstíðarfangelsi fyrir morðið, en lögum samkvæmt getur hann fengið reynslulausn eftir 20 ára afplánun. Sá tími er nú að nálgast en faðir Leggate, sem einnig heitir Stuart, leggst alfarið gegn því að honum verði sleppt.
„Ég mun leggjast gegn því að hann fái frelsi því það er einlæg skoðun mín að börnum stafi enn hætta af honum. Mark Cummings hefði orðið 28 ára á þessu ári en hann fékk aldrei tækifæri til að lifa lífi sínu. Það ætti aldrei að sleppa fyrrverandi syni mínum úr haldi,“ segir faðirinn sem hét Stuart Leggate en breytti nafninu sínu eftir að sonur hans var sakfelldur fyrir morðið.
Cummings hvarf þegar hann fór út að spila fótbolta með vinum sínum í Glasgow. Hann skilaði sér ekki heim og fannst lík hans nokkru síðar.
Dómari í Hæstarétti Glasgow var ómyrkur í máli þegar hann kvað upp dóm sinn í málinu og sagði að Leggate væri „stórhættulegur einstaklingur“.
Í dómnum var þó tekið tillit til skýlausrar játningar hans og varð hún til þess að hann getur brátt fengið reynslulausn.
Leggate hafði áður komist í kast við lögin fyrir að brot gegn ungum drengjum. Afplánaði hann dóm fyrir brot gegn drengjum á aldrinum þriggja til tíu ára uns honum var sleppt árið 1999, fimm árum áður en hann myrti Cummings.
Faðir Leggate segir að hann ætli að hafa samband við skilorðsnefnd og láta hana vita um afstöðu sína. „Ég vona að hann þurfi að sitja inni miklu lengur en 20 ár.“
