Óttast er að fólk hafi látist þegar brú yfir Patapsco-ána í Baltimore í Bandaríkjunum hrundi eftir að flutningaskip sigldi á hana. Margir bílar voru á brúnni þegar slysið varð auk um tuttugu verkamanna sem voru að störfum.

Mikill viðbúnaður er á vettvangi þar sem björgunarbátar leita í ánni sem er tiltölulega köld á þessum árstíma, eða um átta gráður.

Ekki er vitað hvað fór úrskeiðis hjá skipstjórum flutningaskipsins en svo virðist sem sprenging hafi orðið þegar skipinu var sigld á brúnna. Gámar féllu útbyrðis og kom mikill olíuleki frá skipinu.

Slysið varð um klukkan þrjú í nótt að staðartíma og var umferð því minni en vanalega, en talið er að um 30 þúsund ökutæki fari yfir brúnna á degi hverjum.

Flutningaskipið sem um ræðir heitir Dali og er skráð í Singapúr. Það var á leið til Sri Lanka þegar slysið varð.