Rússneski hermaðurinn sem skar eyrað af hinum meinta hryðjuverkamanni, Saidakrami Rachabalizoda, og neyddi hann til að leggja sér það til munns, hefur sett hnífinn sem notaður var til verksins á uppboð. Þetta kemur fram í umfjöllun Daily Mail en samkvæmt henni hafa allmörg tilboð litið dagsins ljós.

Skömmu eftir ódæðið birtist myndband á samfélagsmiðlinum Telegram af Rachabalizoda þar sem hann sást liggja öskrandi og grenandi á meðan rússneskir hermenn börðu hann með byssum sínum. Annað myndband sýndi atvik þar sem ónefndur hermaður virtist skera eyrað af hinum meinta hryðjuverkamanni og neyða hann til að éta það.

Hæsta boð í hnífinn eru um 15 þúsund krónur á þessari stundu. Það er þó litlu dýrara en kaupverð á nýjum hníf, sem er frá rússneska framleiðandanum Kizlyar. Nýr hnífur kostar tæplega 10 þúsund og því virðast netverjar blessunarlega ekki ætla að verðlauna eiganda hnífsins mikið fyrir óhæfuverkið.