Þann 15. janúar síðastliðinn varð óvenjuleg uppákoma í einkareknum grunnskóla í smábænum Rudolstadt, í héraðinu Thüringen, sem er í miðju Þýskalandi. Þrjátíu og átta ára gamall íþróttakennari við skólann var þá handtekinn á skólalóðinni og leiddur burt í handjárnum. Atvikið átti sér stað í frímínútum.
Bild komst á snoðir um málið og greindi frá því í dag (21. febrúar). Maðurinn er sakaður um brot gegn barni en barni sjálft kærði hann til lögreglu fyrir kynferðisofbeldi. Einnig er hann sakaður um að hafa skrifað skilaboð sem flokkast undir barnaníð.
Í fréttinni kemur fram að meint brot mannsins eru ekki tengd störfum hans við skólann og er hann ekki talinn hafa brotið gegn nemanda. Engu að síður hefur maðurinn verið leystur frá störfum frá skólanum á meðan málið er í rannsókn. Kom það fram í bréfi sem skólastjórinn sendi á foreldra nemenda við skólann, þann 17. janúar.
Athygli vekur að eftir handtökuna og yfirheyrslur var ekki krafist gæsluvarðhalds yfir manninum. Var ekki talin hætta á endurteknum brotum né að hann myndi flýja.
Sem fyrr segir gerðust þessi atvik fyrir tæpum mánuði síðan en málið er enn í rannsókn.
