Á laugardaginn var mexíkóski stjórnmálamaðurinn Yair Martín Romero skotinn til bana í Morelos ríki í Mexíkó. Hann bætist þar með í hóp margra stjórnmálamanna sem hafa verið myrtir í landinu síðustu árin.

Óþekktir menn skutu hann og bróður hans á gatnamótum í bænum Ecatepec.

Í aðdraganda þingkosninganna 2021 voru nokkrir stjórnmálamenn, sem voru í framboði, myrtir.

Kosið verður til þings í Mexíkó í júní og var Romero í framboði fyrir Morena, sem er stjórnarflokkur landsins þetta kjörtímabilið.

Á laugardaginn var Jorge Antonio Monreal Martínez einnig skotinn til bana í Fresnillo í Zacatecas ríki að sögn dómsmálaráðherra ríkisins. Hann var frændi David Monreal, ríkisstjóra ríkisins. Nokkrum dögum áður var mágur ríkisstjórans einnig myrtur.

Zacatecas, sem er í miðhluta landsins, hefur árum saman verið einn af helstu vígvöllum blóðugs uppgjörs á milli eiturlyfjahringja.