Rannsókn sem breska ríkisútvarpið BBC gerði leiddi í ljós að kínverskir tómatar eru notaðir í vörur sem eru seldar sem „ítalskar“. Stærsti hlutinn af kínversku tómatauppskerunni kemur frá Xinjiang-héraðinu en mörg vestræn samtök telja að starfsfólkið í tómataræktuninni þar búi við afar slæman aðbúnað og kjör. Sameinuðu þjóðirnar telja sig einnig hafa fundið sannanir fyrir að yfirvöld pynti íbúa í héraðinu og láti þá vinna nauðungarvinnu.

BBC fékk ástralska fyrirtækið Source Certain til að rannsaka tómatvörur. Fyrirtækið sérhæfir sig í að rannsaka uppruna margvíslegra vara, aðallega matvæla.

Fyrirtækið fann 17 vörutegundir sem innihéldu kínverska tómata. 64 vörutegundir voru teknar til rannsóknar en þær eru seldar í Bandaríkjunum, Bretlandi og Þýskalandi.

Nafnið Antonio Petti kom oft upp í rannsókninni en það forvinnur tómata á Ítalíu. Source Certains segir að fyrirtækið hafi fengið rúmlega 36 milljónir kíló af „tómatpasta“ frá kínverska fyrirtækinu Xinjiang Guannong og dótturfélögum þess á árunum 2020 til 2023.

Í vörum frá leiðandi fyrirtækjum á borð við Mutti og Napolina fundust engin ummerki um kínverska tómata.

Eins og áður sagði þá fundust ummerki um kínverska tómata í 17 vörutegundum, þar af voru 10 frá Antonio Petti.