Þá vaknar auðvitað spurningin af hverju skordýrið ákvað að koma heim til okkar, nú eða þá hvaðan það kom. John D‘Abruzzo, svæðisstjóri hjá Truly Nolen meindýraeyðingarfyrirtækinu í Flórída, segir að ástæðan fyrir þessu geti verið að þú gerir eitthvað rangt.
Hann segir að fólk þurfi að vita að öll skordýr hafi þrjár grunnþarfir: vatn, mat og skjól. „Að fjarlæga einn af þessum grunnþáttum getur dregið mjög úr skordýravandanum í og við húsið,“ sagði hann í samtali við Real Simple.
Hann sagði að þótt það sé útilokað að útrýma öllum maurum, mýflugum eða kakkalökkum á heimilinu, þá séu til nokkrar aðferðir til að koma í veg fyrir að þessi skordýr, og önnur, laðist að heimili þínu.
Þú lætur mat standa uppi á borði – Það lítur auðvitað vel út að hafa ávexti í skál á borðinu eða brauð. En ef þú sérð að það eru komin skordýr í húsið, þá gæti ástæðan verið að þessi matvæli laði þau að.
Þú þrífur eldhúsið ekki þegar eldamennskunni er lokið – Það getur auðvitað verið lýjandi að elda mat og þú hefur kannski ekki orku til að ganga almennilega frá að eldamennskunni lokinni. En ef þú gefur þér bara tvær eða þrjár mínútur til að þrífa borðplöturnar og eldhústækin, þá ertu komin langa leið með að halda skordýrum fjarri.
Þú ferð ekki út með ruslið – Það krefst vinnu að halda heimilinu hreinu og í góðu standi. Eitt af því sem þarf að gera er að fara reglulega út með ruslið. Ef þú gerir það ekki, þá getur það laðað skordýr að sér. Kakkalakkar laðast sérstaklega að því. Þeir virðast hafa náð að taka sér bólfestu hér á landi og því mikið til vinnandi að halda þeim frá heimilinu.
Óþéttir gluggar og dyr – Ef gluggar og dyr eru ekki nægilega þétt, þá er leiðin inn í húsið greiðfær fyrir skordýr.
