Dýrategundir deyja svo hratt út að vísindamenn geta ekki haldið í við að skrá þetta allt. Við mennirnir erum ansi góðir í að útrýma dýrategundum og má þar nefna dodo, Tasmaníu tígurinn og geirfuglinn.

En hversu mörgum dýrategundum höfum við mennirnir útrýmt?

Þessari spurningu var varpað fram á vef Live Science. Þar kemur fram að vísindamenn hafi ekki nákvæmt svar við þessu og það er í raun erfitt að finna svar við þessu. Það gæti þó verið mörg hundruð þúsund tegundir.

Ef litið er á þær dýrategundir sem vitað er með vissu að hafi dáið út síðan 1500 þá eru þær 777 talsins. Sumar þessara tegunda dóu hugsanlega út af náttúrulegum orsökum en hjá flestum komu menn við sögu.

Mannkynið byrjaði að setja mark sitt á útrýmingar tegunda fyrir mörg þúsund árum en þá voru auðvitað engir vísindamenn til að rannsaka þetta og þar sem mikil óvissa ríkir um útrýmingar tegunda nú á dögum, þá var sjónunum aðeins beint að um síðustu 500 árum í umfjöllun Live Science.

Í rannsókn, sem birtist í vísindaritinu Biological Reviews 2022, kemur fram að hugsanlega hafi 150.000 til 260.000 af öllum þekktum tegundum dáið út síðan um 1500.

Það er því mikil óvissa um fjöldann en þó er ljóst að margar tegundir hafa dáið út vegna áhrifa okkar mannanna.