Zach þessum tókst að villa á sér heimildir síðla árs 2022 og snemma árs 2023 og komast inn í gagnfræðaskóla í borginni Lincoln í Nebraska þar sem einstaklingar á aldrinum 14 til 18 ára stunduðu nám. Virðist sem eini tilgangur hans hafi verið að kynnast stúlkum undir lögaldri og brjóta gegn þeim kynferðislega.
Í umfjöllun Kansas City Star kemur fram að Zach hafi verið tiltölulega lítill og grannur og ekki vakið neinar sérstakar grunsemdir hjá skólayfirvöldum. Hann kom sér í kynni við stúlkur í skólunum, fékk þær til að senda sér kynferðislegar myndir gegn greiðslu og braut svo kynferðislega gegn nokkrum þeirra. Yngsta fórnarlamb hans var þrettán ára stúlka.
Dómur í máli hans féll í síðustu viku og var hann dæmdur í 85 til 120 ára fangelsi fyrir brot sín. Hann getur sótt um reynslulausn eftir 40 ár, eða þegar hann verður tæplega sjötugur.
Kona á þrítugsaldri, Angela Navarro, sem þóttist vera móðir Zachs, hefur verið ákærð fyrir sinn þátt í málinu en hún hefur staðfastlega neitað sök. Enn á eftir að kveða upp dóm í máli hennar.
