Martröð konu sem var haldið fanginni í fjögur ár í hlöðu í Póllandi hefur vakið mikinn óhug. Gerandanum hefur verið lýst sem hinum pólska Josef Fritzl, en Fritzl var austurrískur níðingur sem hélt dóttur sinni fanginni í kjallaranum sínum árum saman. 

Konan nýtur nafnleyndar að hluta í málinu og er aðeins kölluð Malgorzata í fréttum. Hún er í dag þrítug en martröð hennar hófst árið 2019 þegar hún kynntist Mateusz J. á stefnumótasíðu. Mateusz bauð henni að koma í heimsókn til sín í smábæinn Glogow í vesturhluta Póllands og þar hélt hann hanni fanginni í rúmlega fjögur ár.

Lesendur eru varaðir við því að lýsingar á þessu hrottalega máli geta komið illa við. 

Mátti Malgorzata þola miklar pyntingar. Hann barði hana reglulega, beitti hana hana kynferðisofbeldi og barnaði hana. Það sem vekur sérstakan óhug er að Malgorzata var haldið í hlöðu sem er staðsett bara fjórum metrum frá nágrönnum Mateusz, en nágrannarnir eru fjölmiðillinn myGlogow.

Bæjarbúar lýsa Mateuzs sem einfara og furðufugl. Hann var handtekinn í vikunni og á yfir höfði sér allt að 25 ára fangelsi fyrir andlegt, líkamlegt og kynferðislegt ofbeldi.

Saksóknarar í málinu segja að konan hafi engan aðgang haft að rafmagni, vatni, salerni eða hreinlætisvörum á meðan henni var haldið fanginni. Þegar hún fullnægði ekki þörfum kvalara síns var hún lamin, pyntuð og svelt.

Eftir að hún varð ólétt fór Mateuzs með hana á sjúkrahús í nágrannabænum Nowa Sol. Þar fæddi hún barn og var neydd til að gefa það til ættleiðingar.

„Ég gat ekki sagt læknum sannleikann. Ég var hrædd og hann hótaði mér því að ef ég kvartað þá yrði allt verra fyrir mig.“

Málið þykir minna á martröð Elizabeth Frizl sem var haldið fanginni í 24 ár í kjallaranum á heimili föður síns og á þessum tíma fæddi hún sjö börn.

Malgorzata fór nokkrum sinnum á sjúkrahús síðustu árin þar sem Mateuzs vildi láta gera að sárum hennar sem hún hlaut eftir barsmíðar hans. Hann braut á henni hendina, fótlegginn og á síðasta ári þurfti hún að gangast undir aðgerð út af áverka á endaþarmi.

Hún var aftur lögð inn á sjúkrahús á þriðjudaginn eftir að hún fór úr axlarlið og þá tókst henni að gera læknum viðvart sem hringdu í lögreglu.

Mateuzs var handtekinn á föstudag en neitar sök.