Hinn bandaríski Joseph Henney ætlaði að eiga skemmtilegt kvöld á hafnaboltaleik þegar Philadelphia Phillies tók  á móti Pittsburgh Pirates. Kvöldið fór þó út um þúfur þegar Henney var neitað að taka stuðningsdýrið sitt með inn, krókódílinn Wally.

Þeir félagar eru búsettir Jonestown í Pennsylvaníu og enduðu þeir með að horfa á leikinn heima fyrir. Leikvöllurinn er með strangar  reglur þegar kemur að stuðningsdýrum.

„Viðurkenndir þjónustuhundar eða þjónustuhundar í þjálfun fyrir gesti með sérþarfir eru velkomnir. Öll önnur dýr eru bönnuð.“

Are you kidding me. A #Phillies fan tried to come into game tonight with what they said was a “service animal.” An Alligator! Yes an Alligator. Thing’s I’ve never seen. This is it. ⁦@SportsRadioWIP⁩ pic.twitter.com/H7A0FM0IYC

— Howard Eskin (@howardeskin) September 27, 2023

Netverjar eru ekki sáttir fyrir hönd félaga og segja ætla að gera allt sem í þeirra valdi stendur til að koma þeim í áhorfendastúkuna saman.

„Við ætlum að koma þér á bak við heimamarkið Wally, ég sver það við guð.“

„Kynslóðir hafnaboltaaðdáenda munu lesa um krókódílabölvunina sem kom í veg fyrir að Phillies sigruðu á heimsmeistaramótinu í 71 ár.“

„Ekki viss um hvort ég geti verið aðdáandi Phillies lengur.

Emotional support alligator denied access to the Phillies game pic.twitter.com/Q7DC1qBcDm

— The Philly Captain (@philly_captain) September 27, 2023

Henney ættleiddi Wally árið 2015 eftir að vinur hans í Flórída var að reyna að finna heimili fyrir fullt af krókódílum eftir að landþróun ógnaði heimkynnum þeirra. Henney var sjálfur í djúpum sorgardal á þeim tíma.

„Ég missti þrjá fjölskyldumeðlimi og fjóra langtíma vini á tveimur vikum. Ég lokaði mig af og sökk í djúpt þunglyndi,“ segir Henney við The Guardian. „Læknirinn minn vildi gefa mér þunglyndislyf og ég vildi það ekki. Eftir mánuð fór ég í annað mat hjá lækninum mínum. Og hann sagði: „Hvað ertu að gera, Jói? Það gengur nokkuð vel hjá þér“.

„Ég sagði: „Ég er að hanga með krókódílnum  mínum“.

Wally er orðinn samfélagsmiðlastjarna og allir virðast elska dýrið, sem í allri menningu er sagt skelfilegt og hættulegt mönnum. En Henney segir félaga sinn góðan.

„Við erum alltaf saman, hann  heldur stöðugt athygli minni og fær mig til að hlæja,“ segir Henney.

„Við komumst að því að hann skynjar tilfinningar fólks og hann reynir að hugga það. Hann er frægur fyrir faðmlög sín. Fólk kemur alls staðar að úr heiminum til að fá faðmlag.“