Fjögur börn fundust meðvitundarlaus á strönd í Quebec í Kanada á laugardaginn. Þau voru síðar úrskurðuð látin. Þau höfðu verið í veiðiferð ásamt fleira fólki þegar þau lentu í aðfallinu.

CNN hefur eftir talsmanni lögreglunnar að lögreglunni hafi verið tilkynnt að ellefu manns væri saknað við Portneuf-sur-Mer, sem er á norðurströnd ríkisins.

Fólkið hafði farið fótgangandi í veiðiferð en lenti í aðfallinu. Sex var bjargað en börnin fjögur, sem voru öll eldri en 10 ára, voru úrskurðuð látin við komuna á sjúkrahús. Eins er enn saknað, það er karlmaður á fertugsaldri.

Lögreglan vinnur að rannsókn málsins.