Á sunnudaginn var 41 árs karlmaður úrskurðaður í fjögurra vikna gæsluvarðhald vegna gruns um að hann hafi nauðgað konu og tekið ofbeldisverkið upp á myndband.

Það var undirréttur í Álaborg í Danmörku sem úrskurðaði manninn í gæsluvarðhald en hið meinta ofbeldi átti sér stað í tengslum við hið árlega Álaborgar karnival sem stóð yfir alla síðustu viku.

Ekstra Bladet segir að lögreglan telji að maðurinn hafi tekið hið meinta ofbeldi upp á myndband. Fórnarlambið, kona, var svo ölvuð að hún gat ekki veitt mótspyrnu.

Maðurinn neitar sök að sögn Majbrit Bak, saksóknara.

Álaborgar karnivalið er stærsta karnivalið í Norður-Evrópu.