22 ára bandarísk kona varð fyrir árás hákarls í síðustu viku þar sem hún var að synda með vinkonu sinni í Providenciales á Turks- og Caicoseyjum.

Sky News segir að samkvæmt upplýsingum frá lögreglunni hafi konan verið flutt á sjúkrahús og hafi ástand hennar verið alvarlegt.

Vinkonurnar voru að snorkla við Blue Haven dvalarstaðinn nærri Leeward Marina þegar hákarlinn réðst á konuna um klukkan 15 síðasta miðvikudag.

Lögreglan segir að hákarlinn hafi bitið annan fótlegginn af konunni. Vinkona hennar slapp lítið meidd.

Ekki er vitað hvaða hákarlategund var þarna að verki.