People segir að afmælisveislan hafi verið í fullum gangi þann 22. janúar þegar hópur vopnaðra manna ók upp að veislunni á mótorhjólum sínum.
El Chapito, viðurnefnið virðist sótt til hins fræga fíkniefnabaróns Joaquin „El Chapo“ Guzman, og annar meðlimur glæpagengis, sem er nefndur „El Nono“, byrjuðu síðan að skjóta á veislugesti og flúðu síðan af vettvangi.
Þrír fullorðnir létust á vettvangi og fimm til viðbótar eftir komuna á sjúkrahús. Þessu til viðbótar særðust sjö manns, þar á meðal barn yngra en þriggja ára og annað yngra en 14 ára.
El Nono og El Chapito voru handteknir í síðustu viku, grunaðir um fjölda morða. Auk þeirra voru sjö til viðbótar, allt meðlimir glæpagengis, handteknir fyrir aðild að málinu.
