Það eru margar ástæður fyrir því að það er slæm hugmynd að fljúga með vélum sem fara seinnipartinn.

Þeir sem eru flughræddir ættu alfarið að forðast að fljúga seinnipartinn því það er oft meiri ókyrrð í lofti seinnipartinn en á morgnana.

Þetta sagði flugmaðurinn Jerry Johnson að sögn The Sun. Hann sagði að andrúmsloftið breytist þegar líður á daginn og að flug seinnipartinn sé oft mun erfiðara en á morgnana vegna heitara lofts.

Jörðin hefur haft meiri tíma til að hitna þegar líður á daginn og það getur að sögn Johnson valdið því að loftið verður „ójafnt“ og valdi ókyrrð.

Að auki eru meiri líkur á þrumuveðri síðdegis en á morgnana og það getur gert flugferðir enn óþægilegri.

Þannig að ef þú ert taugaóstyrk(ur) varðandi flug, þá er betra að fljúga að morgni en síðdegis vegna fyrrgreindra ástæða. Við þetta bætist að það verða frekar seinkanir á síðdegisflugi en morgunflugi að sögn sérfræðinga.