Todt og Schumacher voru nánir á sínum tíma enda naut Ferrari-liðið fádæma velgengi þegar Schumacher var á hátindi ferils síns.
Brátt verða liðin tíu ár frá alvarlegu skíðaslysi sem Schumacher lenti í þegar hann skall með höfuðið á grjóti. Honum var haldið sofandi í um sex mánuði eftir slysið.
Aðstandendur Þjóðverjans hafa haldið upplýsingum um heilsu hans frá kastljósi fjölmiðla og hafa til að mynda engar myndir birst af Schumacher eftir slysið fyrir áratug síðan.
Todt hefur haldið góðu sambandi við fjölskylduna og í samtali við franska blaðið L‘Equipe sagðist Todd hafa heimsótt Schumacher um daginn og lýsti hann heimsókninni svona.
„Michael er enn meðal okkar þannig að ég sakna hans ekki. En hann er ekki sá Michael sem hann var áður. Hann er öðruvísi og nýtur góðrar umönnunar eiginkonu sinnar og barna sem gæta hans vel. Líf hans er öðruvísi og ég nýt þeirra forrétinda að geta heimsótt hann endrum og eins. Það er allt sem ég hef að segja. Því miður þá gripu örlögin í taumana fyrir tíu árum. Hann er ekki sá Michael sem við þekktum í Formúlu 1.“
