Á fimmtudag í síðustu viku voru tveir meðlimir í dönsku glæpagengi beittir hrottalegu ofbeldi. Voru það félagar þeirra í glæpagenginu sem voru að verki. Ástæðan er að sögn að tvímenningarnir höfðu brotið gegn „innri siðareglum“ glæpagengisins.

Ekstra Bladet segir að mennirnir hafi verið bundnir fastir við stól og síðan var kveikt í þeim. Þeir voru báðir lagðir inn á sjúkrahús því þeir hlutu alvarleg brunasár.

Tveir voru handteknir vegna málsins, grunaðir um morðtilraun. Þeir voru úrskurðaðir í gæsluvarðhald á föstudaginn.

Talsmaður lögreglunnar sagði ekki útilokað að fleiri verði handteknir vegna málsins.