The Sun segir að talið sé að byggingin hafi hafist 2015 en verkefnið hefur verið mjög umdeilt. Sárafáir virðast hafa veitt þessari miklu framkvæmd athygli fyrr en 2018 þegar umhverfisverndarsamtök og skipulagsyfirvöld áttuðu sig á hvað var í gangi.
Lengi vel, og eiginlega enn, var ekki vitað hvar stóð að baki verkefninu en böndin hafa nú beinst að pólska fyrirtækinu DJT að sögn staðarmiðils. En ekki er vitað af hverju kastalinn er í miðaldastíl.
Um hríð var sú samsæriskenning á kreiki að pólski auðkýfingurinn Jan Kulcyk, sem lést 2015, hafi sviðsett andlát sitt og að hann væri eigandi kastalans.
Nú er kastalinn nær fullfrágenginn. Hann er ansi stór og er talið að mörg hundruð herbergi séu í honum.
Það var 2020 sem lögreglan handtók sjö manns, fjárfesta að sögn, vegna málsins og héraðsstjóranum var vikið úr embætti.
