Þetta átti að vera ósköp venjulega ferð mannfræðings eins á nytjamarkað í Lee County í Flórída fyrir rúmri viku. En hann gerði óhugnanlega uppgötvun þar sem varð til þess að lögreglan kom á vettvang.

Eftir því sem lögreglan í Lee County segir þá hringdi maðurinn í hana þegar hann fann höfuðkúpu af manneskju í hrekkjavökudeild markaðarins.

Lögreglan kom að sjálfsögðu á vettvang og ræddi við eiganda nytjamarkaðarins sem sagðist hafa fundið höfuðkúpuna á lager verslunarinnar þegar hann keypti hana fyrir nokkrum árum

Lögreglan bíður nú eftir niðurstöðu rannsóknar réttarmeinafræðings á höfuðkúpunni en enginn grunur leikur á að eitthvað glæpsamlegt hafi átt sér stað nema hvað að í Flórída er ólöglegt að vera með bein og líkamshluta af fólki í vörslu sinni.