Sky News segir að hann sé einn sjö sem voru ákærð vegna málsins. Einn hinna ákærðu var ákærður fyrir að stela höfðum, heilum, húð og beinum úr líkhúsi.
Ákærur voru gefnar út á hendur fólkinu í júní og nú er dómur fallinn yfir Pauley. Hann var fundinn sekur en dómari á enn eftir að kveða upp um refsingu hans.
Pauley játaði að hafa tekið þátt í samsæri og að hafa flutt stolna hluti, líkamshluta, á milli ríkja. Hann sagðist hafa keypt líkhlutana af ýmsum aðilum, vitandi að þeir voru stolnir. Hann játaði einnig að hafa selt marga þeirra.
Cedric Lodge, frá Goffstown í New Hampshire, er ákærður fyrir að hafa stolið líkamshlutum af líkum sem voru gefin til læknadeildar Harvard háskólans. Hann var yfirmaður líkhúss læknadeildarinnar.
Hann tók suma líkamshlutana, þar á meðal höfuð, heila, húð og bein, með heim til sín en aðra sendi hann með pósti til kaupenda. Hann er einnig sagður hafa leyft væntanlegum kaupendum að heimsækja líkhúsið til að velja þá líkamshluta sem þeir vildu kaupa.
