Karlmanni í Lundúnum í Bretlandi hefur nú verið meinað að standa of nálægt konum sem hann þekkir ekki eftir að lögregla stóð hann að verki við að brjóta á skólastúlku í neðanjarðarlestinni.

Óeinkennisklæddir lögreglumenn sáu manninn, Abdulrizak Ali Hersi, ráðast á stúlkuna þegar hún steig inn í lestina með fjölskyldu sinni í október. Ekki hafa fjölmiðlar greint frá því í hverju brot Hersis fólust en mun það hafa verið kynferðisbrot. Sáu lögreglumenn þó til hans áður en stúlkan og fjölskylda hennar höfðu áttað sig á því sem var að gerast.

Lögreglumenn gripu Harsi og drógu hann með sér út úr lestinni. Hann var svo í kjölfarið handtekinn og dæmdur í 18 mánaða fangelsi. Dómari gekk þó lengra en það heldur dæmdi á hann 10 ára úrskurð á grundvelli laga um forvarnir gegn kynferðisbrotum, en í þessum úrskurði felst að Hersi má ekki af ásetningi standa fyrir aftan eða við hliðina á konu eða stúlku, sem hann ekki þekkir, á almannafæri.