Nú eru nýjar vendingar í málinu því móðir Xana Kernodle, sem var eitt fórnarlambanna, var nýlega handtekin. Hún er grunuð um að hafa verið með fíkniefni í fórum sínum. Hún heitir Cara Northington.
Mirror segir að hún hafi lengi barist við fíkniefnadjöfulinn og hafi náð að halda sér frá honum en svo virðist sem hún hafi fallið í kjölfar þess að hún missti dóttur sína í nóvember.
Mirror segir að henni sé haldið í fangaklefa þar sem eina afþreyingin sé sjónvarpsrás þar sem daglega sé fjallað um morðið á stúdentunum.
Er Northington sögð illa farin af fíkniefnaneyslu og að andlát dóttur hennar hafi einnig farið mjög illa með hana.
Kernodle var myrt, þar sem hún svaf í herbergi sínum, ásamt unnusta sínum, Ethan Chapin. Auk þeirra voru þær Kaylee Goncalves og Madison Mogen myrtar. Þær voru 21 árs en Kernodle og Chapin voru tvítug.
Þann 30. desember handtók lögreglan Bryan Kohberger. Hann er 28 ára. Telur lögreglan að hann hafi fylgst lengi með fórnarlömbunum áður en hann lét til skara skríða um miðja nótt og stakk þau til bana. Ekki er vitað af hverju hann myrti þau.
