Tvær sprengingar urðu í Svíþjóð í nótt. Klukkan 01.05 varð sprenging við fjölbýlishús í Åstorp, sem er á Skáni, og hálfri klukkustund síðar varð sprenging í Helsinborg. Einn var fluttur alvarlega slasaður á sjúkrahús eftir sprenginguna í Åstorp. Hann er 25 ára.

Töluverðar skemmdir urðu á fjölbýlishúsinu að sögn Aftonbladet. Lögreglan rannsakar málið sem morðtilraun. Sá slasaði er sagður hafa verið utanhúss. Aftonbladet segist hafa heimildir fyrir að hann sé alvarlega slasaður á fótum.

Í Helsingborg varð öflug sprenging klukkan 01.31 en sá vettvangur er um 3,5 km frá vettvanginum í Åstorp. Sú sprenging varð við inngang í fjölbýlishús. Enginn slasaðist en töluverðar skemmdir urðu.