Örlæti er af hinu góða og það er gott að deila hinu og þessu með öðrum. En að deila eiginmanni sínum með móður sinni og systur er nú eitthvað sem fáum hugnast og flestum finnst eflaust frekar óviðeigandi.

En þetta gerir Madi Brooks. Hún býr með eiginmanni sínum í Bandaríkjunum. Á TikTok skýrir hún frá því að það sé nú ekki alltaf sem hún er til í tuskið þegar eiginmanninn langar í smá leikfimi á lakinu. Þá sé gott að fjölskyldan geti hjálpast að.

Móðir hennar og systir eru þá reiðubúnar til að hlaupa í skarðið fyrir hana. Hún skýrði frá þessu á TikTok að sögn The Sun.

„Viljið þið vita hvernig ég held manninum mínum ánægðum? Ég leyfi honum að leika með systur minni,“ sagði hún.

En það er ekki allt því hún leyfir honum einnig að „leika“ við móður sína.

„Þetta er mamma mín og ég leyfi manninum mínum að fá hana nokkrum sinnum í viku,“ segir hún í einu myndbandi og faðmar móður sína.

Það þarf væntanlega ekki að koma á óvart að fjölskyldan stundar öll makaskipti en það er nú ekki hversdagslegt að makaskiptin séu einnig stunduð innan fjölskyldunnar.

„Við mamma stundum báðar makaskipti og það er frábært. Af hverju? Af því að þegar mig langar ekki, get ég bara látið manninn minn fá hana. Já, ég er þannig kona,“ segir hún.