Kaþólskur fangelsisprestur í Heinsberg í Þýskalandi var greinilega ekki allur þar sem hann var séður. Því komust fangaverðir í fangelsi bæjarins að þegar hann kom þangað með 13 kebab sem átti að borða í veislu í unglingadeild fangelsisins.

Bild segir að skoðun á matnum hafi leitt í ljós að rúllurnar voru ekki fylltar með kjöti og/eða grænmeti eins og venja er, heldur pökkum með fíkniefnum.

Alls fundust 153 grömm af hassi í rúllunum, nokkrir farsímar og hleðslutæki.

Talsmaður sóknarinnar í Aachen sagði að presturinn hafi verið leystur frá störfum fyrir fullt og allt.