Sumar hugmyndir eru betri en aðrar og aðrar eru mun síðri. Þetta verður 26 ára Bandaríkjamaður að viðurkenna. Hann var handtekinn fyrir að hafa kveikt skógareld í Utah. Hann virðist hafa verið að reyna að kveikja í könguló með kveikjara en í staðinn kveikti hann í heilum skógi.

CBS News skýrir frá þessu.  Spencer Cannon, talsmaður lögreglunnar í Utah County, sagði í samtali við USA Today að lögreglan viti ekki hvað manninum gekk til með því að reyna að kveikja í könguló. „Við skiljum ekki af hverju honum datt þetta í hug. En út frá því sem hann segir þá er ekkert sem bendir til að hann sé að ljúga,“ sagði talsmaðurinn.

Hinn handtekni hefur viðurkennt að hafa kveikt eldinn.