The Guardian skýrir frá þessu. Fram kemur að þjófnaðurinn hafi staðið yfir frá 2007 til 2013. Maðurinn bar ábyrgð á móttöku svínslæranna og öllum ferlinu varðandi þau í vörugeymslunni. En freistingin var greinilega of mikil því eins og áður sagði stal hann 7.000 lærum og seldi. Hann notaðist við sendiþjónustu til að koma lærunum til kaupenda.
100 af þessum svínslærum voru frá fyrirtækinu Huelva sem er frægt fyrir svínslæri sín sem eru af svörtum svínum sem eru eingöngu alin á akörnum síðustu þrjá mánuði lífsins. Eitt læri kostar rúmlega 500 evrur.
Maðurinn átti sex ára fangelsi yfir höfði sér en slapp vel því málið hafði tafist svo mikið í kerfinu að dómara þótti rétt að halda sig við 11 mánaða og 29 daga fangelsi.
Eiginkona hans var fundin sek um að hafa verið í vitorði með honum. Þeim var gert að greiða fyrrum vinnuveitanda mannsins 529.000 evrur í bætur.
