Gleðistund varð að hryllingi þegar risavaxinn skjár féll á dansara á tónleikum í Hong Kong. Atvikið átti sér stað í gærkvöldi og særði tvo dansaranna. Yfirvöld segja að einn þeirra er á gjörgæslu með hálsáverka og annar hlaut minniháttar höfuðáverka, samkvlmt South China Morning Post. Tónleikum hljómsveitarinnar Mirror frá Hong Kong var strax slaufað og tónleikahöllin Hong Kong Coliseum rýmd. Því greinir BBC frá.
Fjöldi tónleikafara urðu fyrir miklu áfalli og Rauði krossinn í Hong Kong sagði að hringt hafi verið meira en hundrað sinnum í ráðgjafarsíma. Yfirvöld sögðu að skjárinn hafi fallið eftir að málmkapall slitnaði og mun atvikið vera rannsakað. Ættingjar þeirra þungt haldinna eru nú á leiðinni til Hong Kong frá Kanada. Aðspurður hvort þau fengju undanþágu frá 7 daga sóttkví við komu til landsins sagði John Lee, héraðstjóri Hong Kong, að ráðstafanir yrðu gerðar til að þeir komist að heimsækja þá slösuðu á sjúkrahús
