Eitt fimm barna sem auðjöfurinn Elon Musk átti með fyrri eiginkonu sinni er trans og vill slíta sig frá föður sínum. Hin 18 árra Vivian Jenna Wilson, fædd Xavier Musk, hefur sótt um að fá að breyta nafni sínu opinberlega. Ástæðan sem hún gaf upp var, samkvæmt TMZ: „Kynvitund auk þess að ég bý ekki lengur hjá, né vil eiga nokkurs konar tengingu við föður minn.“
Eftirnafnið Wilson kemur frá móður hennar Justine Wilson. Elon Musk og Justine áttu tvíbura og þríbura saman. Elon Musk og Justine voru gift frá árinu 2000 til ársins 2008. Í beiðninni kemur einnig fram að hún vill láta viðurkenna sig opinberlega sem kvenkyns.
Þó að Elon Musk hafi lýst stuðningi sínum við málstað trans fólks talar hann öðru máli oft á samfélagsmiðlum. Musk hefur nýlega sætt gagnrýni fyrir að leysa leiðtoga LGBTQ+ samtaka fyrirtækis hans Tesla frá störfum, ásamt fulltrúum fjölbreytniherferðar fyrirtækisins.
