Samkvæmt tölum frá bandarísku smitsjúkdómastofnunin CDC þá fjölgaði tilfellum, þar sem of stórra skammta af fentanýli var neytt, um 182% frá 2019 til 2021.
Meðaltal tilfella ofneyslu í hverjum mánuði jókst um 109% frá 2019 til 2021. En þegar eingöngu eru horft á tilfelli ofneyslu á fentanýli þá jukust tilfellin um 182% á sama tíma. AFP skýrir frá þessu.
En þrátt fyrir þessa miklu aukningu þá er heildarmyndin sú að dregið hefur úr neyslu unglinga á ólöglegum fíkniefnum.
CDC segir að aukning á tilfellum á of stórum skömmtum geti tengst notkun sterkari efna frekar en reglulegri notkun.
Fentanýl er mjög sterkt og ávanabindandi efni. Það tilheyrir flokki ópíóíða sem eru verkjalyf sem eru mjög ávanabindandi.
Það er auðvelt og ódýrt af framleiða fentanýl og hefur mikið framboð verið af því í Bandaríkjunum á síðustu árum. CDC segir að rúmlega hálf milljón Bandaríkjamanna hafi látist af völdum of stórs skammts af fentanýli frá 1999.
