Þetta eru fimm milljarðar farsíma. Ef þeim væri staflað ofan á hver annan myndi staflinn vera rúmlega 50.000 km hár. Til samanburðar má geta þess að Alþjóðlega geimstöðin er á braut um jörðina í 400 km hæð.
WEEE Forum eru samtök 46 mismunandi samtaka sem hafa það að markmiði að takast á við ábyrgð framleiðenda á rafmagnstækjum sem eru tekin úr notkun.
Pascal Leroy, forstjóri WEEE Forum, segir að eitt af stóru vandamálunum sé að farsímar séu oft bara settir ofan í skúffu í stað þess að vera endurunnir. Hann sagði að snjallsímar séu eitt þeirra raftækja sem valdi fólki hjá WEEE Forum mestum áhyggjum. Margir farsímar innihaldi verðmæta málma á borð við gull, silfur og kopar og það sé því góð hugmynd að endurvinna þá.
Ef þessir verðmætu málmar séu ekki endurnýttir þá þurfi að grafa þá upp úr námum í Kína eða Kongó.
Farsímar eru þó aðeins lítill hluti af heildarmagni raftækja sem hætt er að nota ár hvert. Í skýrslu frá 2020 kemur fram að árlega séu 44 milljónir tonna af raftækjum ekki endurnýtt.
