Lögin voru samþykkt í nóvember og tóku gildi í gær. Grísk heilbrigðisyfirvöld munu nú afhenda fjármálaráðuneytinu upplýsingar um þá sem eru ekki bólusettir og verða sektir sendar út í kjölfarið. Peningarnir munu renna til grískra sjúkrahúsa.
Kyriakos Mitsotakis, forsætisráðherra, sagði í síðustu viku í samtali við gríska miðilinn ANT1 að til væri einfalt ráð til að sleppa við sekt. „Þú lætur bólusetja þig og þá þarftu ekki að borga sekt,“ sagði hann.
Þessi aðgerð er talin vel heppnuð nú þegar því frá því að tilkynnt var um sektina fyrir sex vikum hafa 217.000 manns, 60 ára og eldri, látið bólusetja sig og er bólusetningarhlutfallið í þessum aldurshópi nú komið í 90%.
