Kennari frá Tennessee-fylki og tveggja barna móðir, Eliza Fletcher að nafni, varð fyrir árás mannræningja á föstudagsmorgun og var numinn á brott. Eliza er kominn af afar auðugri fjölskyldu en afi hennar, Joseph Orgill III, er stofnandi tæknifyrirtækisins Orgill Inc. og er metinn á fleiri milljarða bandaríkja dollara. Ekkert hefur heyrst né spurst til Elizu frá því að hún var numin á brott en fjölskylda hennar hefur heitið 50 þúsund bandaríkjadölum, rúmum 7 milljónum króna, fyrir upplýsingar um hvenær hún var niðurkomin.
Eliza, sem er mikil íþróttamanneskja, var á hlaupum kl.4.30 um morguninn við Háskólann í Memphis-borg þegar svartur sendiferðarbíll keyrði upp að henni. Ókunnugur maður greip síðan í hana og eftir nokkur átök dró hann Elizu inn í bílinn sem síðan brunaði á brott. Um kl.7.45 tilkynnti eiginmaður hennar, Richard Fletcher III, að hún hefði ekki skilað sér úr hlaupatúrnum.
Lögregla fann ummerki um átök þar sem að Fletcher hvarf og meðal annars brotinn farsíma og vatnsflösku sem hún var með á hlaupatúrnum.
Þrátt fyrir að til séu myndir úr öryggismyndavélum af glæpnum þá eru þær óskýrar og til að mynda hefur lögregla ekki upplýsingar um bílnúmer sendibílsins.
Í umfjöllunum erlendra miðla um mannránið kemur fram að nærsamfélagið í Memphis-borg þar sem Fletcher er búsett sé slegið óhug vegna málsins. Um sé að ræða friðsælt hverfi þar sem glæpir sem þessir þekkjast ekki.
Lögregla ytra er með mikinn viðbúnað vegna málsins og meðal annars framkvæmt húsleit á heimili Fletcher þar sem hald var lagt á hvítan jeppa, tölvubúnað og garðklippur sem óvíst er hvernig tengjast málinu.
