Það er ekki alveg útilokað að þú sért með fingur í annarri nösinni á meðan þú ert að lesa þetta. Öllum finnst okkur þetta ógeðsleg en samt sem áður gerum við þetta flest ef ekki öll.

En það er ekki nóg með að þetta sé ógeðslegt því heilsu okkar stafar einnig hætta af þessu.

Þetta kemur fram í grein sem þrír vísindamenn skrifuðu í The Coversation.

The Conversation er miðill þar sem vísindamenn birta fréttir og annað um rannsóknir þeirra og rannsóknarsvið sín.

En hvað er hor eiginlega?

Fyrst og fremst slím. Þetta slím er ekki þarna af ástæðulausu. Það er nefnilega fyrsta vörn líkamans gegn sýkingum, veirum og öðru skaðlegu sem getur á einn eða annan hátt komist upp í nasirnar.

Vísindamennirnir segja að það geti til dæmis verið asbest, frjókorn eða jafnvel blý.

Hlutverk slímsins er fanga þessa óboðnu gesti og síðan ráðast náttúrulegar bakteríur nefsins til atlögu við þá. Með þessu eru hugsanlegar hættur, sem geta komist inn í líkamann, stöðvaðar skrifa vísindamennirnir.

NEMA maður stingi fingri upp í nösina og trufla það góða og mikilvæga starf sem þar fer fram. Fyrir það fyrsta getur þetta orðið til þess að bakteríur og veirur setjist á fingurna og berist til annarra staða á líkamanum. Staða þar sem þær eiga ekkert erindi.

Þess utan dreifast bakteríurnar ekki bara á nasaborarann sjálfan, þær geta borist á annað fólk og umhverfið, ekki síst ef þú rúllar horinu saman og losar þig við það.

Vísindamennirnir segja að það geri hlutina enn verra ef þú tilheyrir þeim hópi sem leggur í vana sinn að borða horið. Með því að gera það innbyrðir þú hugsanlega hættuleg efni sem slímið í nefinu reyndi að koma í veg fyrir að kæmist inn í líkamann.

Það er því ekkert annað að gera, jafnvel þótt það sé erfitt, en að hætta að bora í nefið.

Vísindamennirnir segja að besta lausnin sé að snýta sér og þvo sér síðan um hendurnar.