Bandaríska einkaleyfisstofan hefur samþykkt umsókn Háskólans í Ohio um einkaleyfi á enska ákveðna greininum „the.“ Nánar, réttindi skólans til að nota það á bolum og derhúfum með orðinu einu og sér.
Háskólinn sem er þekktur hvað mest fyrir íþróttaafrek sín, heldur því fram hann hagnist um 1,7 milljarð króna á greininum á ári hverju. „THE hefur verið hvatningarorð nemanda skólans árum saman, og stuðningsmenn Buckeyes [það sem nemendur kalla íþróttalið skólans] sem kaupa varning frá skólanum styðja þannig við námsstyrki, bókasöfn og aðrar athafnir skólans,“ sagði Ben Johnson, fjölmiðlafulltrúi skólans í yfirlýsingu.
„Líkt og aðrar stofnanir, vinnur Háskólinn í Ohio að því að verja ímynd og vörumerki skólans vegna þess að það hjálpar nemendum og starfsmönnum skólans, auk þess sem það styður við kjarnaverkefni skólans sem er kennsla og rannsóknir,“ bætti hann við.
Háskólinn í Ohio hóf einkaleyfisferlið í ágúst ársins 2019 eftir að tískumerkið Marc Jacobs reyndi við það sama fáeinum mánuðum áður. Stofnanirnar tvær komust að samkomulagi árið 2021 og ákváðu að þær máttu báðar nota greininn í vörum sínum.
