Myndskeið frá listasafninu fræga, Louvre í París, sýnir hvernig maður með varalit og hárkollu biðlar til fólks að „hugsa um plánetuna“ rétt eftir að hafa ráðist að einu frægasta málverki sögunnar, Monu Lisu eftir Leonardo DaVinci.
Vitni á staðnum segja að árásarmaðurinn hafi verið „klæddur eins og gömul kona“ og hann hafi stokkið á fætur úr hjólastól á Louvre-safninu og í kjölfarið reynt að brjóta glerhlífina sem verndar verkið fræga.
Maybe this is just nuts to me💀but an man dressed as an old lady jumps out of a wheel chair and attempted to smash the bullet proof glass of the Mona Lisa. Then proceeds to smear cake on the glass, and throws roses everywhere all before being tackled by security. 😂??? pic.twitter.com/OFXdx9eWcM
— Lukeee🧃 (@lukeXC2002) May 29, 2022
Eitt vitnanna segir að maðurinn hafi síðan makað köku á glerið og svo kastað rósum út um allt áður en öryggisverðir höfðu hendur í hári hans.
Annað myndskeið sýnir grunaða árásarmanninn segja viðstöddum á frönsku: „Hugsið um plánetuna…. fólk er að tortíma plánetunni, hugsið um það. Þess vegna gerði ég þetta.“
Öryggisverðir fylgdu svo manninum út en óljóst er enn hvort hann verði kærður fyrir atvikið.
Ekki er talið að málverkið hafi orðið fyrir skaða.
Can anybody translate what ole dude was saying as they where escorting him out?😂 pic.twitter.com/Uy2taZ4ZMm
— Lukeee🧃 (@lukeXC2002) May 29, 2022
